LINGUA GALEGA (GRAMÁTICA)

OS POSESIVOS

Os posesivos son palabras que acompañan ou substitúen ó substantivo, expresando a quen pertence un ser ou un obxecto. Os posesivos indican a persoa gramatical e se hai un posuídor ou varios. Os posesivos poden funcionar como  determinantes, cando van diante do substantivo ( a nosa casa), como complementos, cando van despois do substantivo (a casa nosa) e como núcleos, cando van en lugar do substantivo ( a nosa é nova).

Estudia no teu libro de Lingua Galega, páx. 38 as formas  dos posesivos.

ACTIVIDADES: copia no procesador de textos estas actividades e realízaas.

1.- Marca en vermello os posesivos: voso     esta      meus    nós    súa    sempre    as   tiña   miña   cinco    túa    eu     música   nosas   vós   vosos  elas.

2.- Nas oracións seguintes marca en amarelo os posesivos e di que función desempeñan

O noso é o mellor equipo da liga: ________________

Onte coñecemos unha curmá túa:________________

As súas amigas son fantásticas: ________________

Se che cómpre unha regra, colle a miña:______________

Sabela vai ao voso colexio: ______________________

Raúl sempre fai das súas_____________________

3.- No seguinte texto marca en vermello os posesivos e logo analízaos, seguindo o esquema:

O sábado pasado meus irmáns e máis eu visitamos a vila dos teus avós. Fomos cos nosos tíos á casa duns amigos seus, que teñen un neto que se chama Miguel. Resulta que Miguel é amigo dunha irmá túa. De feito di que aqueles cadros que tedes colgados na sala son seus porque el presume de ser un gran pintor e sempre di que as súas acuarelas son moito mellores coas miñas

POSESIVO	Nº	XÉNERO	FUNCIÓN	Nº POSU.